...Kerwe / Kerb

von 13. Juli - 16. Juli 2007 ist Horschbacher Kerwe

Was ist los in Horschbach? Programm

 KerwePlakat2007.jpg.pdf

Kerwereden von Gestern bis Heute
 

Kerwebilder von Gestern bis Heute

Straußjugend

Westricher Kerb von Richard Lill, Glan Münchweiler
 

Drowe uf de Laeder do steht Maiers Peter.
Halt die Kerwered, alles is weg
vun de dolle Stickcher
alle ach, verwischt er,
die Alte und die junge werten ufs Korn genumme,
in de Kerwered.
jeder kriet sei Fett.

Ach die viele Sinde duht er laut verkinde:
Wie wor das in schpäter Mitternacht!Was hat do de Karl un´s Fritche gemacht?
Was es Hänsje mit seim sieße, kleene holde Katharienche.
Jo, un gor de Ehemann ders Saufe halt net losse kann,
denne sei Fra dann blo veknippelt un im de Kopp durchenannerschittelt."

So gehts iwer die Keep von de Leit.
De ene werd rot, der bleech wie e Kreid,
de dritte fiehlt sich vell leichder
un aus seiner Bruscht schteit e Seifzer:
"Gott sei dank, ich bin net debei bei dere Sindelitanei
awer dodefor Nochbersch Peter de alde Schwerenöter."
Wie sche is holt doch so e Scharefreid
bei all dene veele Kerweleit.

"un hascht es geheert, un denk emol hi",so heert mers durch die Reihe zieh.
Doch jetzt werd noch schnell de Schtrauß gedeeft,
daß die Kerwered dabber zu Enne geht.
Dann nin in de Saal, es Danzbeen geschwunge,
doch die 3 Erschte han sich die Straußbuwe genumme.
Drei Daach lang werd gedanzt un gelacht
un manches hat de Mond gesieh,
uff seim Weg iwers Kerwedorf hie.

Dehem werd geschmaust, werd de Keller geleert
un norre es beschte werd do verzehrt.
Un dann die Flache Wei, die viele
o Gott, wer werd dann die noch zehle!
So geht es in de Kerwezeit.
Bei uns isses ach bal werrer so weit.
Mer misse(jetzt) schun arisch schpore
fer de gute Kerwebrore.

von Richard Lill, Glan Münchweiler